I misteri dasl mond ( Silvio Negroni)

i dinosauri i ghen pü da un pés

e l’orso bianco va a fini cla fuma a lés

gh’è pü al dodo ghè pü al mammut

e anca i om forse un dì agh saran pü

ma perché diamine capisi no

püsè ien picul tipo virus e šanšar

ma va a savè, i ghen unmò

i misteri dal mond

cui oc guardaret al tramónt

cui ureg sentiret la vus di ónd

buca gulusa e naš par našà

al profüm di fiur in meš ai prà

l’è roba bóna roba natüral

mangia tranquil la pöda no fat mal

i m' han purtà via cul centdasdot

al natüral al m’è restà insal gos

I cattolici e i metodisti

gli evangelici e i manicheisti

i musulmani e gli induisti

ebrei buddisti e scintoisti

un mè amis che in cesa l’è gnì mai

l’altar dì l’ho truà lì: ma sa fet chi

sum drè gnì veg as sa mai !

I misteri dal mond

va che spetacul stanot al firmament

va che spetacul - l’è mei dì nient

tachi a cuntà i stel finisi pü

l’è adrè gni ciar – ia vedi pü

sta pora tera che nüm ciamuma al mondo

l’è mé un granél ad sabia intal deserto

nüm la pitansa – e tüt in gir - dumà ad contorno…mah

urmai gh’è ciar gh’è giamò gent in strà

dorman i stel ma sum’adré un mò a cüntà

i misteri dal mond